Folöldin eru smám saman að koma í heiminn og komnar eru myndir af þremur undan Prinsinum frá Efra-Hvoli. Þær má nálgast undir flipanum hér til vinstri, FOLÖLD.

Fleiri myndir koma á næstu dögum undan fleiri hestum sem voru hjá okkur síðast liðið sumar.

Myndir bætast svo inn jafnt og þétt eftir því sem fleiri folöld koma í heiminn.

Laugardaginn 24. mars var haldið ísmót Neista á Svínavatni. Veður var eins og best var á kosið enda vorið á næstu grösum. Pétur keppti í tölti, opnum flokki á Prímus frá Brekkukoti og gekk það ágætlega. Þeir enduðu í 2. sæti og áttu það fyllilega skilið.

Hér er sýnishorn af frammistöðu þeirra félaga á laugardaginn.

Líkt og undanfarin sumur höfum við fengið ungfola til afnota úr ræktun Lenu Zielinski. Síðastliðið sumar voru hjá okkur tveir folar, Prinsinn og Flögri frá Efra-Hvoli. Prinsinn er undan Álfi frá Selfossi og Perlu frá Ölvaldsstöðum en Flögri er undan Hugin frá Haga og Pöndru frá Reykjavík. Þeir eru báðir fæddir 2008.

Fann þessa mynd af safninu renna framhjá Haukagili í Vatnsdal laugardagsmorguninn

10. september sl. Vatnsdalurinn skartaði sínu fegursta þennan dag og snæviþakið Jörundarfell

bar við heiðan himininn.  Skál.