Tók nokkrar myndir af einu af stóðhests efninu okkar. Pegasus er undan Alsælu frá Bakkakoti og Prímus frá Brekkukoti. Alsæla er úr ræktun Ársæls Jónssonar og Önnu Fíu í Fróðholti. Alsæla er undan Snæ frá Bakkakoti og Roðadís frá Bakkakoti.

Smelltu á myndina til að sjá fleiri.

Þann 18. september s.l. var farið í stóð- og fjársmölun á Laxárdal. Í tuttugu ár hafa áhugamenn haft tækifæri til að taka þátt í smalamennskunni, eða réttara sagt ríða niður Laxárdalinn og fylgjast með smölun. Lagt var af stað frá Strjúgsskarði um kl: 10:00 í fylgd með Valgarði Hilmarssyni sem er sérlegur ferðamanna-gangnastjóri. Veður var mjög gott, kalt en lygnt og heiðskírt. Talið er að þátttakendur að þessu sinni hafi verið um 300 talsins.

Um kl: 14:00 var komið að Kirkjuskarði en þar er girðing sem skilur að afréttina á Laxárdal og byggðina þar fyrir neðan. Við girðinguna er rétt þar sem stóðinu er safnað saman og hvílt áður en haldið er síðasta spölinn. Í Kirkjuskarði er nú orðin góð aðstaða fyrir þátttakendur og gangnamenn en þar er t.d. hægt að kaupa léttar veitingar.

Að vanda var sungið undir dyggri stjórn Skarphéðins Einarssonar.

Yndislegt að á í fallegu veðri og gá til fjalla og gangnamanna.

Eins og sést á þessari mynd var margt um manninn og gaman að spjalla

Hægt er að sjá allar myndirnar með því að smella HÉR

Jæja, þá er Undirfellsrétt að baki. Heimtur voru nokkuð góðar í Brekkukoti en við heimtum helminginn af fjárstofninum okkar. Skal þess getið að fjárstofninn í Brekkukoti samanstendur af fimm ám og einum hrút. Fjárstofninn er að stærstum hluta eða 5/6 forystufé. Veður var með eindæmum gott, hlýtt en skýjað. Hér má skoða fleiri myndir úr réttinni.

Safnið undir forystu Brekkukots blesa.

Efnilegur forystu sauður..

Tók nokkrar myndir af hestfolaldi undan Sprungu frá Hvolsvelli og 1. verðlauna stóðhestinum Prímus frá Brekkukoti. Skemmtilegar hreyfingar í þessu folaldi og brokkið er einstaklega fjaðrandi og mjúkt.