top
logo

Til sölu

Mynd augnabliksins

velta.jpg

Um okkur
Brekkukot

Brekkukot er staðsett í Þingi í Húnavatnshrepp og er gömul klausturjörð. Bærinn stendur fyrir austan þjóðveg og gnæfir Axlaröxlin fyrir ofan bæinn. Fyrri ábúandi er Sigþór Sigurðsson, afabróðir Magdalenu. Íbúðarhúsið er byggt 1934 en árið 2007 voru gerðar umtalsverðar endurbætur á því. Fljótlega eftir að Magdalena og Pétur fluttu í Brekkukot var byggt 17 hesta hús sem stendur norðan við íbúðarhúsið.

Sjá staðsetningu á korti
View Brekkukot in a larger map

 
Magdalena M. Einarsdóttir

Magdalena Margrét Einarsdóttir er frá Hjallalandi í Vatnsdal, fædd 10. ágúst 1976. Stúdent frá Menntaskólanum við Sund og brautskráðist sem búfræðingur frá Hólum í Hjaltadal árið 1998 af hrossaræktarbraut. Verknámið frá Hólum tók hún í Þýskalandi hjá Rúnu og Karly Zingsheim. Magdalena stundaði fjarnám við HÍ (2006-2010) á grunnskólakennarabraut og starfar nú með búskapnum sem kennari við Húnavallaskóla.

 
Pétur Snær Sæmundsson

Pétur Snær Sæmundsson er frá Hvolsvelli, fæddur 1. febrúar 1977. Hann hefur unnið við tamningar frá því hann var unglingur á Hvolsvelli, bæði á sínum eigin hrossum og annarra. Fjölskylda hans ræktaði Kolkuóshross um langan tíma og átti t.d. heiðurshestinn Byl frá Kolkuósi. Pétur vinnur með búskapnum við smíðar hjá fyrirtækinu Húsherji ehf.

 

Ýmsar myndir

Videohornið


bottom

Keyrt á Joomla!. Designed by: Free Joomla Themes, hosting. Valid XHTML and CSS.